來到雲頂，玩左好多機動遊戲，玩到好攰又肚餓嘅時候，見到對面有間鼎泰豐，就入左去食了。

1. 啖啖麵
呢碗麵得好少，又唔辣，好快就食哂。

2. 蒜泥白肉
佢每塊肉入面都夾左塊青瓜，唔辣，有啲偏甜。

3. 醉雞
個雞好滑，有啲酒味，味道ok。

4. 酸辣湯
呢個湯幾開胃的，酸酸地咁又有啲微辣。

5. 炒菠菜
算係新鮮。

6. 紅油炒手
呢個一點也不辣，就像普通餃子🥟，不像炒手。

7. 豬排炒飯
呢碟炒飯個飯底唔錯，炒得幾好，不過啲豬排就好一般。

8. 小籠包
食上海菜當然唔少得食小籠包，不過佢呢個小籠包咬落去一啲湯汁都無，店員又沒有提供折醋去點，因此不好食。

9. 炒豆苗
算係新鮮。

10. 炒生菜
都算新鮮。

11. 餃子
這個餃子睇起來好像有啲醬料咁，不過食落啲醬都無味嘅。

12. 黃金蝦
粉漿太多，因此不太好食。

13. 洛神花檸檬茶
幾好飲，酸酸地又有啲檸檬香，解渴一流。

個人認為來到馬來西亞食上海菜，唔夠好食都正常嘅，因為唔太合香港人口味。

由馬六甲返到返到來吉隆坡市區，我地試左呢間Homie Recipe做晚餐。

1. Hot and spicy pan mee（麻辣板麵）
好辣好辣，一食就整到打哂噴嚏，唔食得辣真係唔好試。

2. Shrimp dumpling pan mee（鮮蝦雲吞板麵）
啲湯底咸咸地，啲麵有啲堅韌，仲有啲麵粉條嘅味。啲雲吞都大粒，不過皮有啲厚。

3. Salted fish and minced chicken rice（咸魚肉碎飯）
無咩味，啲咸魚都唔夠香。

4. Curry chicken rice（咖哩雞飯）
個咖哩幾香，啲薯仔同雞都幾好味。佢呢個飯好特別，佢配嘅係一個辣椒飯。個辣椒飯好香口，有少少微辣，十分滿意。因為個辣椒飯好味，所以我地又叫多左一碗獨立嘅。獨立嘅會有一個雞蛋係碗飯嘅面，撈起好味。

5. Home-made fish cake（自制魚餅）
呢個魚餅係全部送入面最好食架，好新鮮香口。點左佢嘅秘制醬汁仲好食。

6. Stuffed tofu with bean paste sauce（豉汁釀豆卜）
呢個就無咩特別，普普通通，不過不失。

7. Bean curd roll with bean paste sauce（魚滑腐竹卷）
佢係炸嘅，都脆卜卜，不過啲凌魚肉唔係好多，係邊邊位先有。

8. Longan with white fungus lo han guo（龍眼羅漢果雪耳）
呢杯飲落係羅漢果味嘅水，入面會有啲龍眼肉同埋雪耳，仲好似有少少糖冬瓜。

9. Can cincau（罐裝涼粉）
佢上嘅時候係一罐罐裝涼粉同埋一杯冰咁上，倒出來首先係只有水，底部先有一粒粒細細地嘅涼粉。如果可以搖渾左先飲會好啲。

呢間野感覺都幾homie，但食物質素就是一般。今次一共食左馬幣131.9元。

今日我地包團來到馬六甲，睇左寶山亭同海事博物館之後，司機兼導遊就車左我地去雞場街。到達雞場街，首先我地就醫下肚。

他介紹左我們去呢間中華茶室食海南雞同雞飯粒。入到去場內都坐滿了，要等位。好不容易，我們等到了八人位了。餐廳職員提議我們四個人食一隻雞和每人一碟雞飯粒，不過我們因爲想試多啲其他野食，所以八個人食一隻雞同兩碟雞飯粒，仲每人叫左一杯青檸水。

1. 海南雞
呢碟海南雞其實好咸，好似鹽水雞，點左啲醬有返啲酸酸辣辣咁中和一下。

2. 雞飯粒
呢啲雞飯粒睇起上來同飯團無異，係一種油油地嘅飯團。佢係無味嘅，所以如果啲雞飯粒，配埋啲海南雞食，就會有返啲味道。

3. 青檸水
其實我們本身諗住叫走冰係常溫，點知走冰就是等於熱。結果變左我地都係又曬又熱大熱天，飲左杯好熱嘅青檸水。杯青檸水其實幾好飲，可能因為佢加左糖，飲落都幾生津止渴。

呢間店係係雞場街入口，都好多人幫襯的。