早上去左睇城市入面嘅博物館建築群及參觀了藝術館同黑風洞，得到了印度人的祝福後，我們便出發前往雲頂。前往雲頂途中，司機兼導遊帶了我們到半山食午餐，我們選了一間龍記。

呢一間係一間中菜海鮮餐廳，我們點了很多食物。

1. 海鮮煲
呢個煲有好多海鮮同埋湯，啲蝦都好大隻。不過啲湯我覺得一般般，係胡椒味同雞湯混合體。

2. 鐵板豆腐
呢個豆腐係玉子豆腐來，再加埋啲秘製醬汁同雞蛋，真係好好味。

3. 菠蘿咕嚕肉
啲肉整到好細粒，但係都炸得幾鬆脆，個汁都好開胃，不錯。

4. 蒜香炒通菜
呢個菜炒得幾好，啲菜幾新鮮，聽聞係自己種的。

5. 白切雞
呢個雞好滑，有雞味，做得不錯。

6. 椒鹽蝦
個蝦炸到好脆，連埋蝦殻食都得，好正。

7. 蝦粉絲煲
個蝦肉有啲實同埋無咩鮮味，粉絲質地ok，不過成個湯胡椒味太濃，整體一般般。

8. 蒜蓉炒鬼豆苗
食落比豆角嫩同爽脆，十分好食。

9. 扣肉
炆得好入味，用來送飯唔錯。

10. 清蒸荀殻魚
魚身十分滑，配埋啲豉油味道簡直係一流。

整體上呢間都幾抵食，因為食咁多野都只係馬幣七百幾蚊。如果上雲頂，一定要停係半山試下呢間餐廳。

呢個係馬六甲雞場街其中一樣美食，榴槤泡芙。

一盒有六粒，一口一個，而且泡芙皮很鬆化，成粒擺入口咬爆佢好似雪糕咁香甜好食。

大家來到不妨試下呢個泡芙，凍食都真係正到飛起，一試難忘。

早餐我地來左試下馬來西亞當地嘅Starbucks。我地叫左啲牛角包、toast、冬甩同埋蛋糕。

牛角包都好鬆化，啲芝士toast 兩個都怪怪地，一個有陣怪怪地嘅香料味，另外一個芝士有少少甜得濟。個個冬甩係萬聖節🎃特別版，佢話係南瓜味，不過其實只有好淡嘅南瓜味，朱古力味比較濃。蛋糕是一個紅絲絨芝士蛋糕，呢個蛋糕真係好好味。

飲品我就叫左一杯熱嘅Vanilla fig latte，呢個係馬來西亞Starbucks 先有的。一開杯蓋，聞落去真係好好聞，係好香嘅無花果味，不過飲落就有少少苦，整體來說唔太好飲。

馬來西亞十三州咖啡（Calanthe Art Cafe)
我們行左去試呢間馬六甲著名嘅十三洲咖啡。馬來西亞共有十三個洲，佢地各自出產自己不同種類嘅咖啡，呢間咖啡店就有哂十三間咖啡。

因為唔係個個團友都好咖啡，我們今次叫左三個洲嘅咖啡來試下。

1. Johor （柔佛州）
呢個咖啡一啲都唔苦，入面加左奶同糖仲有啲咖啡啫哩。面頭係一啲忌廉，飲落都幾容易接受，對於討厭咖啡苦味嘅人，呢個咖啡都幾岩佢地口味。

2. Penang （檳城）
呢個苦味比較重，可能因為咖啡是有烤過的關係。

3. Jerak （霹靂州）
呢個同Johor 差不多，都有少少偏甜，多奶。

咖啡店唔係得咖啡飲，仲有其他野食嘅，我地就叫左一個飯、一個三文治、一個沙爹串燒同一個叻沙。

1. Claypot grilled chicken with cheese
個雞排做得幾滑，不過上面啲cheese就唔夠濃，個飯疑似係用蕃茄醬煮嘅，但係都係好淡好淡嘅。

2. Egg mayo sandwich
呢份三文治係係有沙拉醬同雞蛋整成的。三文治無咩特別，不過薯條就比三文治好食。

3. Chicken satay skewers
呢個雞串燒好正，佢加左蜜糖燒好新鮮，加埋啲醬好好食。我們本身叫左兩碟，但因為太好味，所要又加多左一碟。佢有啲炸芋頭絲放係碟邊，都好好味。

4. Calanthe laksa
呢個啲人上網係咁話好食，仲話會特登返來食嘅。不過我們食完就覺得無咩特別，都係普通叻沙。有得揀加唔加辣，仲有得揀全粗全幼定mixed麵嘅。

呢間消費都唔平，合共馬幣174.4。餐廳環境都唔錯，有好多藝術品係周圍。

我們係等頂泰豐上菜嘅時候，要買定第二日嘅早餐，因為我地第二日要坐7:00am 嘅車由馬來西亞去到新加坡遊玩。後來我們就買左每人兩個唔同味道嘅蛋糕。

1. Signature fruit cake
佢咬落好有好豐富嘅水果同蛋糕混在一起，好好味，不過甜左啲。

2. Cranberry raisin cake
呢個蛋糕味道就係提子乾嘅味，比起signature fruit cake 寡一啲，無signature fruit cake 咁好食。

食完呢兩個蛋糕會飽左，同埋真係勁甜，要飲返多啲水。